كل ما يخص الابحاث التعليمية
************
د/ طارق شوقى .. يتحدث عن ابنه دمياط علا قويطة ويقول :بعد يوم واحد من الإعلان عن المشروعات البحثية رأيت هذا الفيديو لطفلة مصرية في الصف الخامس الابتدائي في مدرسة حكومية في كفر سعد بمحافظة دمياط.
انظروا الي ذكاء هذه الطفلة وفهمها العميق للموضوع.
مصر بخير وأولادها بكل خير.
الدكتور طارق شوقي وزير التربية والتعليم يعلن تفاصيل المشاريع البحثية لأبنائنا الطلاب
1.
أعلن الدكتور طارق شوقي وزير التربية والتعليم، أن لكل سنة دراسية من 3 ابتدائي إلى 3 إعدادي، مشروع بحثي واحد سيعده كل طالب في كل المواد، لاجتياز السنة الدراسية. وقال الوزير خلال فيديو للإعلان عن تفاصيل المشروعات الدراسية، أن هذا المشروع متعدد التخصصات، في العلوم والرياضيات والدين والتربية الفنية واللغة العربية، وتجميعه في موضوع واحد من خلال تطربيه ومعرفة علاقة بالحياة، ويتم إعداد إمام في مجموعات بين عدة طلاب أو يعده الطالب فقط إن أراد.
2.
وأوضح الدكتور طارق شوقي، عدة نقاط مهمة، وهي كالتالي:
- الطالب سيكون مطالب بإعداد مشروع بحثي واحد فقط (متعدد التخصصات) في كل سنة دراسية للانتقال إلى السنة التالية.
3.
- يستطيع الطالب أن يقوم بعمل المشروع بمفرده أو مع مجموعة من الطلبة (بحد أقصى 5 طلاب)، وذلك خلال الفترة من 9 أبريل حتى 15 مايو 2020.
4.
- سيتم مراعاة اختيار الموضوعات بالنسبة لأعمار الطلبة من الصف الثالث الابتدائي حتى الثالث الثانوي بما يتناسب مع أعمارهم.
5.
- عناصر المشروع البحثي تتكون من: "العنوان، المقدمة، متن الموضوع، النتائج أو الملاحظات، المراجع"، وسيكتب الطالب الكود الخاص به على المشروع الذي سيقوم بعمله.
6.
- الأحد الموافق 5 أبريل 2020.. سيتم نشر فيديو توضيحي لطريقة عمل المشروع للطلبة على موقع الوزارة، وذلك كنموذج استرشادي لأبنائنا الطلاب لطريقة عمل المشروع البحثي بداية من اختيار الموضوع حتى نطمئن أبنائنا الطلاب.
7.
- الخميس 9 أبريل 2020.. سيتم الإعلان عن جدول المشروعات البحثية لكل سنة دراسية على موقع الوزارة وسيتم نشره مطبوعًا في الصحف القومية؛ وسيتكون الجدول من 4 إلى 5 موضوعات لكل سنة دراسية يختار الطالب أحدهما لتنفيذه سواء بمفرده أو مع مجموعة من الطلبة.
8.
- إذا لم يتوافر الإنترنت لدى الطالب بإمكانه الاعتماد على الكتاب المدرسي أو أي كتاب متوفر لديه في موضوع المشروع البحثي.
9.
- متاح للطالب أن يقوم بكتابة المشروع البحثي على ورق وتسليمه إلى المدرسة وهي ستقوم بدورها في إرساله للوزارة عبر المنصة.
10.
- معلم الفصل دوره استرشادي ومساعد للطلبة في إعداد المشروعات البحثية، والوزارة هي من ستتولى أعمال مراجعة المشروعات البحثية للطلاب عن طريق تقييمها (مقبول – غير مقبول).
11.
واختتم الدكتور طارق شوقي وزير التربية والتعليم، رسالته قائلاً: "أن المشروع البحثي هدفه تعليم الطلاب مهارات جديدة وهي (العمل الجماعي، الاعتماد على الذات، والبحث، والتحليل، وربط الموضوعات، وطريقة صياغة الأفكار) وغيرها من المهارات الضرورية لأبنائنا الطلاب". https://www.youtube.com/watch?
*.
أسئلة وأجوبة عن الأبحاث التعليمية
1.
س : ايه البحث ده وازاى الطلبة تعمله ؟
ج : الطالب هيفتح موقع كود الاختبارات الخاصة بالوزارة بالرقم القومى الخاص به ولكل طالب كود خاص به لكل المواد وده الرابط الخاص به http://studea.emis.gov.eg/
2.
س : بعد ما ياخد الكود هيعمل ايه بالكود ده
ج : احتفظ بالكود ده لانه هو الكود اللى الوزارة هتبعت لك الاختبارات عليه بعد يوم 2 ابريل
3.
س : يعنى هفتح الموقع تانى علشان اشوف الاختبارات المطلوبة منى فى كل مادة صح كدة
ج : بالضبط كدة
4.
س : وطيب وبعد كدة ؟
ج : تشوف اختبار كل مادة اسئلتها ايه وتحاول تجاوبها فى ورق عادى او مطبوع زى ما تحب بس بشرط عدم النقل من الاخرين او يكون جاهز من المكتبات
5.
س : وبعد ما انتهى من البحث المطلوب فى المادة اعمله بيه ايه
ج: هتفتح صفحتك على موقع اسمه ادمو الرابط بتاعه ده https://edmodo.org/ وهو منصة تعليمية بها صفحة لكل طالب هتدخلها بالرقم القومى بتاعك برضه
6.
س : يعنى ده موقع تانى غير موقع الاكواد
ج : ايوة بالضبط كدة
7.
س: بعد ما افتح الموقع ده وافتح صفحتى عليه اعمل ايه فيه؟
ج: هترفع البحث بتاعك بصيغة ورد WORD او بى دى افPDF على المنصة الالكترونية
8.
س : يعنى ايه ارفعه على المنصة ؟
ج : يعنى انت هتكتبه فى الكمبيوتر عادى كانك بتكتب اى ورقة وهتعملها حفظ على سطح المكتب مثلا باسم اختبار رياضيات وبعد ما تفتح موقع ادمو هتدخل على صفحك هتلاقى فى رمز او ايكونة عليها رفع الملفات ( او تحميل ملفات ) هتضغط عليها هيفتح معاك نافذة علشان تشوف مكان حفظ ملفك انت حافظه فين واول ما تلاقيه هتضغط عليه ثم تضغط على كلمة موافق هيترفع معاك الملف ويقولك تم التاكيد
9.
س : وكدة خلاص
ج : ايوة بس انت حملت اختبار مادة واحدة هتعمل نفس الكلام مع باقى اختبارات باقى المواد المطلوب منك ابحاث فيها
10.
س : وهتظهر لى نتيجتى مباشرة
ج: لا طبعا لسه المعلمين هيدخلوا على المنصة الالكترونية ويشوفوا كل بحث من ابحاث الطلبة بتوعه
11.
س طيب مثلا انا ماعنديش نت ومش بفهم فيه وامكانياتى المادية ماتسمحليش اروح سيبر او كافيه نت اعمل ايه
ج: الوزارة بتسهل عليك الموضوع وبتقولك مدام كتبت البحث وطبعته وماعندكش امكانية ترفعه ممكن تسلمه باليد الى ادارة المدرسة اللى انت فيها
12.
س : طيب افترض مثلا انا كبرت ادماغى وماعملتش البحث ده ايه اللى هيحصل يعنى
ج: هتضطر تيجى قبل زمايلك السنة الجاية باسبوعين قبل الموعد الرسمى للدراسة وبرضه لازم تقدم بحث
والا الوزارة هتعتبرك راسب وتعيد السنة
13.
س : والكلام ده لحد امتى ؟
ج : معاك شهر ونصف يعنى لحد 15/5/2020 م
14.
س : طيب الاختبار ده فى المنهج كله ؟
ج : طبعا لا الوزارة قالت الاختبارات فى المنهج لحد 2020/3/15 م بس يعنى اللى بعد كدة مالكش دعوة بيه
15.
س : طيب الاسئلة ايه نوعها ؟
ج : اسئلة سهلة وبسيطة تعتبر زى الواجب المنزلى اللى بتحله فى البيت كنت
نتمنى النجاح والتوفيق للجميع
